इलाम-२ मा आइतबार दिउँसोदेखि मतगणना जारी छ। अहिलेसम्म २२ हजार हाराहारी मत गणना भइसकेको मुख्य निर्वाचन अधिकृतको कार्यालयले जनाएको छ।
१ लाख १५ हजार ८८९ जना कुल मतदाता भएको इलाम २ मा शनिबार भएको मतदानमा ६९ हजार २८७ मत खसेको थियो। अझै पनि ४७ हजारभन्दा बढी मत गणना हुनै बाँकी छ।
मतगणनाको झण्डै २० घन्टा पूरा हुँदा २२ हजार हाराहारी मत गणना भएको इलाम २ मा सोमबार भने गणक टोली थप्ने तयारी भएको छ।
सहायक निर्वाचन अधिकृत इन्द्र श्रेष्ठका अनुसार मुख्य निर्वाचन अधिकृतको कार्यालय सकेसम्म छिटो गणनाा सक्ने योजनामा छ। ‘हिजोदेखि दुई ठाउँमा गणना भइरहेको छ’, श्रेष्ठले भने, ‘अहिले दलहरूसँग सल्लाह गरेर थप एक ठाउँ थप्ने तयारी छ।’
अहिलेसम्म फाकफोकथुम, चुलाचुली गाउँपालिका पूरै र माङसेबुङ गाउँपालिकाको वडा नम्बर १ को मत गणना गर्दा नेकपा (एमाले) का उम्मेदवार सुहाङ नेम्वाङले अग्रता लिएका छन्।
एमाले नेता सुवास नेम्वाङको निधन भएपछि वैशाख १५ गते इलाम २ मा उपनिर्वाचन भएको थियो।
सम्बन्धित खबर
पौडी खेल्दा बबईमा डुबेर दाजुभाइको मृत्यु
आज देशभरको मौसम कस्तो रहन्छ?
शिक्षकको तलब मासिक रूपमा दिने सरकारको घोषणा
इतिहासकार ज्ञानमणि नेपालको निधन
१७ दिनकी सुत्केरीको हत्या, श्रीमान् पनि मृत फेला
गणतन्त्र दिवस मौलिक रूपमा मनाउन प्रधानमन्त्रीको निर्देशन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग